249 മത് സ്നേഹഭവനം അനിതക്കും മക്കൾക്കും
(06-Aug-2022)
സാമൂഹിക പ്രവർത്തക ഡോ.എം.എസ്.സുനിൽ പണിത് നൽകുന്ന 249 മത് സ്നേഹഭവനം അരീപ്പറമ്പ് പെരിയോർ പതിക്കൽ വിധവയായ അനിതക്കും രണ്ടു കുട്ടികൾക്കും. കിടങ്ങൂർ പള്ളിയമ്പിൽ പരേതനായ കുഞ്ഞേപ്പിൻ്റെ ഒന്നാം ചരമ വാർഷികത്തോട് അനുബന്ധിച്ച് അദ്ദേഹത്തിൻ്റെ കുടുംബാംഗങ്ങളുടെ സഹായത്താലാണ് വീട് നിർമിച്ചു നൽകിയത്. വീടിൻ്റെ താക്കോൽ ദാനവും ഉദ്ഘാടനവും കുഞ്ഞേപ്പിൻ്റെ ഭാര്യ അന്നക്കുട്ടി ജോസഫ് നിർവഹിച്ചു. ഒരു കാലിന് സ്വാധീനമില്ലാത്ത അനിത ഭർത്താവ് മരിച്ചതിനു ശേഷം കൊച്ചു കുട്ടികളുമായി തകർന്നു വീഴാറായ സുരക്ഷിതമല്ലാത്ത കുടിലിലായിരുന്നു താമസം. ഈ അവസ്ഥ കണ്ട ടീച്ചർ ഇവർക്കായി വീട് നിർമിച്ച് നൽകുകയായിരുന്നു. ചടങ്ങിൽ വാർഡ് മെമ്പർ എസ് പൊന്നമ്മ, പ്രൊജക്റ്റ് മാനേജർ കെ പി ജയലാൽ, റോയ് ജോസഫ്, ലിസി ജോസഫ്, തൈപ്പറമ്പിൽ തങ്കച്ചൻ, ലൈലമ്മ ജോൺ എന്നിവർ സംസാരിച്ചു.
